Sprengt í Kaíró

Vildi bara láta vita að það er allt í lagi með mig en ég var reyndar á þessu svæði í gær. Þetta er frekar langt frá þar sem ég bý en þetta svæði er vinsæll túristastaður og stór markaður, Khan al Khalili. Nýjustu myndirnar mínar, sem hægt að sjá hérna hægra megin, eru teknar á Khan al Khalili í gær. Tók reyndar ekki mynd af Hussein moskunni. Þarna er yfirleitt mikill mannfjöldi svo að það er eiginlega furða hversu fáir eru slasaðir. Al Jazeera international fréttastöðin var að tilkynna það núna að þetta hafi verið tvær sprengjur sem var varpað niður af fimmtu hæð Al Hussein hótelsins og niður á fólkið sem sat fyrir utan kaffihúsið þar sem sprengjan sprakk. Þeir vita ekki hverjir standa að baki þessu en egypska ríkísstjórnin er ekki mjög vinsæl í augnablikinu vegna stöðu þeirra gagnvart Gaza deilunum. 

Á kortinu er hægt að sjá svæðið þar sem sprengjan sprakk. Ég bý í Mohandiseen sem er vinstra megin á kortinu og sést ekki.

   

Ég skrifa kannski meira ef ég frétti eitthvað nýtt í skólanum á morgun.

Knús í bili

Einn látinn eftir sprengingu í Kaíró

Athugasemdir

[Kolbrún Reynis (IP-tala skráð) 25.2.2009 kl. 20:09]

hæ hæ ætlaði nú bara að kvitta fyrir mig. Alltaf gaman (þ.e.a.s bittersweet) að lesa sögur frá ferðalöngum :o

hafðu það sem allra best þarna úti og njóttu tímans í botn

kv. Kolla Reynis